ისრაელის თავდაცვის ძალების (IDF) სპიკერი, დანიელ ჰაგარი იუწყება, რომ ამ დროისთვის ირანიდან ისრაელის მიმართულებით დამატებითი იერიშის საფრთხე არ არსებობს, რაც ნიშნავს, რომ ირანის სარაკეტო თავდასხმა დასრულდა.

ისრაელის თავდაცვამ მოსახლეობას თავშესაფრის დატოვების შესახებ უკვე აცნობა.

"თავდაცვის დროს ჩვენ რამდენიმე [რაკეტა] გავანეიტრალეთ. ქვეყნის ცენტრსა და სამხრეთში იყო დარტყმების შემთხვევებიც[...] ამ დროისთვის [თავდასხმის] შეფასება მიმდინარეობს, მაგრამ მსხვერპლის შესახებ ინფორმაცია არ გვაქვს", — აცხადებს ჰაგარი.