Netflix-მა Peaky Blinders-ის ფანებისთვის ჩვენი საყვარელი ბრიტანელი განგსტერების შესახებ დაანონსებული ფილმის გადასაღები მოედნიდან ახალი ფოტოები გაავრცელა.

როგორც კომპანია იუწყება, ფილმის გადაღება 30 სექტემბერს დაიწყო. "მოუთმენლად ველოდები Peaky Blinders-ის ისტორიის ახალი ნაწილის გადაღებას, რომელიც მეორე მსოფლიო ომის პერიოდში განვითარდება. ქვეყანა ომშია ჩართული, და, რა თქმა უნდა, მასთან ერთად ალესილი კეპების წევრებიც," — თქვა სტივენ ნაითმა, სერიალის შემქმნელმა.

ტომი შელბი Peaky Blinders-ის ფილმის სცენაში

ტომი შელბი Peaky Blinders-ის ფილმის სცენაში

ფოტო: Netflix

ფოტოებში ჩანს, რომ 48 წლის ოსკაროსანი მსახიობი სერიალის შემქმნელთან ერთად იღიმის. მეორე ფოტოში კი ტომი შელბის როლში შესულ მერფის პერსონაჟის განუყრელი კოსტიუმი აცვია.

კილიან მერფი და სტივენ ნაითი ფილმის გადასაღებ მოედანზე

კილიან მერფი და სტივენ ნაითი ფილმის გადასაღებ მოედანზე

ფოტო: Netflix

ბრიტანული განგსტერული დრამა 2022 წელს ექვსი სეზონის შემდეგ დასრულდა. ამ ზაფხულს ნეტფლიქსმა დაადასტურა, რომ ფილმში, რომელშიც სერიალის სიუჟეტი რამდენიმეწლიანი ხტომის შემდეგ გრძელდება, მთავარი როლის შემსრულებელი მერფი დაბრუნდებოდა.

მერფისთან ერთად ფილმში მონაწილეობას მიიღებს ოსკარზე ნომინირებული მსახიობი, 31 წლის ბარი კიოგანიც, თუმცა მისი როლის შესახებ დეტალები ჯერჯერობით უცნობია. სერიალში ვიხილავთ, ასევე, რებეკა ფერგიუსონს და ტიმ როთს.

ფოტო: Deadline

ამ დროისთვის უცნობია, ფილმში არტურ შელბი, ტომის უფროსი, ტემპერამენტიანი ძმაც თუ შეგვხვდება. არტურის როლის შემსრულებელი მსახიობი პოლ ანდერსონი იანვარში ნარკოტიკის ფლობის გამო გაასამართლეს და დააჯარიმეს. უცნობია, ასევე, ვნახავთ თუ არა ტომ ჰარდის პერსონაჟს, ალფი სოლომონს.