წალენჯიხის მუნიციპალიტეტში, ძლიერი წვიმების შედეგად, სახლები დაიტბორა.

უამინდობის გამო სოფელი საჩინოშიც დაიტბორა. წვიმამ სახლს საძირკველი გამოაცალა, რის გამოც სახლის ერთ-ერთი კედელი ჩამოინგრა. შემთხვევის შედეგად არავინ დაშავებულა.

ადგილზე იმყოფებოდნენ მუნიციპალიტეტის მერიის წარმომადგენლებიც. მომხდარზე ზარალის შემსწავლელი კომისია მუშაობს.

უამინდობის მიზეზად ქალაქი ზუგდიდიც დაიტბორა. რამდენიმე სოფელში დაიტბორა საცხოვრებელი სახლის პირველი სართულები და საკარმიდამო ნაკვეთები, დაზიანდა ხიდბოგირები.

ზუგდიდში მდინარე ჩხოუშია ადიდდა, შედეგად ჩაიკოვსკის ქუჩაზე საფეხმავლო ხიდი დააზიანა.

ქალაქ ხობში დაფიქსირდა ქარბოლბალა.