გერმანულენოვანმა ქართველმა მწერალმა, ნინო ხარატიშვილმა ტელეკომპანია ფორმულას ეთერში, საქართველოში მიმდინარე მოვლენებზე ისაუბრა, მათ შორის იმ პოლიტიკურ ფონზე, რომელიც დღეს ქვეყანაშია. როგორც მწერალმა თქვა, არჩევნები ძალიან ბევრ რამეს გადაწყვეტს და ეს არის შანსი, რომ თითოეულმა მოქალაქემ საზოგადოების მშენებლობაში მონაწილეობა მივიღოთ.

"უკანასკნელი პოლიტიკური გადაწყვეტილებებისა და ჩვენს საზოგადოებაში არსებული მოვლენების ფონზე ნამდვილად მექნება ის შთაბეჭდილება, რომ ჩვენი მშვიდობა ილუზიას ჰგავს, იმიტომ, რომ თითქოს ყველა ფლანგზე, ყველა შრეში შესულია სიძულვილი, შიში, დაძაბულობა, მტრობა. ბოლოს ამ ახალგაზრდა ქალის გარდაცვალებით თითქოს ეს რაღაც პიკი იყო. ამ სიძულვილმა ჩემთვის ყველაზე მანკიერი სახე სწორედ მანდ შეიძინა. ეს იყო ალბათ ის ბოლო წერტილი რის გამოც გამიჩნდა ის განცდა, რომ ჩვენი მშვიდობა ნამდვილად არ არის ის, რასაც ჩვენ მშვიდობად გვასაღებენ.
ახლა უიმედობის დრო არ არის, ახლა მუხლებზე ხელებს ვერ დავიკრეფთ, ეს არაფერს შეცვლის, პირიქით, ყველამ უნდა ვიბრძოლოთ, ჩვენი პოზიცია დავაფიქსიროთ, გამოვხატოთ, იმიტომ რომ თითოეული საზოგადოების წევრი ქმნის ამ საზოგადოებას და ნამდვილად არ გვაქვს იმის ფუფუნება, რომ უიმედოდ ვიყოთ და ეს იმედი გადავიწუროთ. პირიქით, ძალიან მნიშვნელოვანი ბრძოლაა, რომელიც დიდი იმედი მინდა ვიქონიო, რომ ჩვენდა სასიკეთოდ დასრულდება.
არჩევნები ზოგადად ძალიან მნიშვნელოვანია, იმიტომ რომ ეს არის ის შანსი, რომ ჩვენ აქტიურად, როგორც დემოკრატიულმა საზოგადოებამ, მივიღოთ ამ საზოგადოების მშენებლობაში მონაწილეობა, თითოეული ჩვენგანის ხმა არის გადამწყვეტი", — განაცხადა მწერალმა ნინო ხარატიშვილმა გადაცემაში "მარტივი ფორმულა".