გაერთიანებული ერების ორგანიზაციის ლტოლვილთა უმაღლესი კომისარიატის (UNHCR) ცნობით, აღმოსავლეთ ლიბანში ისრაელის საჰაერო თავდასხმას მათი ერთ-ერთი თანამშრომელი და მისი მცირეწლოვანი შვილი ემსხვერპლნენ.

UNHCR-ის განცხადებით, დინა დარვიშის სახლს საავიაციო ბომბი ორშაბათს დაეცა. მძიმედ დაშავდნენ მისი ქმარი და უფროსი შვილიც.

დინა დარვიში UNHCR-ის ბექაას ოფისში 12 წლის განმავლობაში მუშაობდა. დაიღუპა ალი ბასმაც, რომელიც სააგენტოს ტირის ოფისში დამლაგებლად მუშაობდა.

"ისრაელის საჰაერო თავდასხმებს ლიბანში ასობით მშვიდობიანი მოქალაქის სიცოცხლე ეწირება.დიდი წუხილით ვადასტურებ ჩემი ორი კოლეგის გუშინ დაღუპვის ფაქტს", — განაცხადა UNHCR-ის დირექტორმა, ფილიპო გრანდმა