ისრაელის პრეზიდენტის, ისაკა ჰერცოგის განცხადებით, მისი ქვეყანა ლიბანის პეიჯერების აფეთქებაში არ მონაწილეობდა, ისევე როგორც სხვა საკომუნიკაციო მოწყობილობების აფეთქების ოპერაციაში.

აშშ-სა და სხვა რამდენიმე ქვეყანაში აღიარებული როგორც ტერორისტული ჯგუფი — ლიბანური ჰეზბოლა ისრაელს ადანაშაულებს, ისევე როგორ სხვა რამდენიმე დასავლური მედია.

ჰერცოგის თქმით, ისრაელს ლიბანთან ომი არ სურს, "მაგრამ ლიბანი ტერორისტული ორგანიზაციისა და შეთავსებით პოლიტიკური პარტია ჰეზბოლას მძევალი გახდა".

ისრაელის პრეზიდენტის განმარტებით, ჰეზბოლას არაერთი მტერი ჰყავს ლიბანის შიგნით, ხოლო აფეთქება რომელიმე მათგანს შეეძლო განეხორციელებინა.

"ჰეზბოლა ახრჩობს ლიბანს, ანგრევს ლიბანს, განუწყვეტლად ქმნის ქაოსს", - თქვა მან.

17 სექტემბერს, ლიბანში პეიჯერებისა და სხვა ტიპის პორტატიული საკომუნიკაციო საშუალებების აფეთქება მოხდა. საკომუნიკაციო საშუალებებს ჰესბოლას წევრები ოპერატიული კავშირგაბმულობისთვის იყენებდნენ.

აფეთქებისგან რამდენიმე ათეულობით ადამიანი დაიღუპა, ხოლო სამი ათასი დაშავდა.

გაიგეთ მეტი:

Reuters: ლიბანში, "ჰეზბოლას" ასობით მებრძოლი დაშავდა მას შემდეგ, რაც პეიჯერები უეცრად აუფეთქდათ