რუსული სახელმწიფო სააგენტოს რია ნოვოსტის ცნობით, ავღანეთის ამჟამინდელმა ხელისუფლებამ — თალიბანმა, BRICS-ში გაწევრიანებაზე მოსკოვში მოთხოვნა გაგზავნა.

იმავე წყაროს ინფორმაციით, ოქტომბერში, ყაზანში დაგეგმილ BRICS-ის სამიტზე მონაწილეობის მისაღებად განაცხადი თალიბანის პოლიტიკური ფრთის ხელმძღვანელმა, აბდულა განი ბარადარიმ გააგზავნა.

მათი ცნობით, BRICS-ში გაწევრიანების შესახებ წერილის ავტორი ავღანეთის მრეწველობისა და ვაჭრობის მინისტრი ნურიდინ აზიზია, ხოლო ადრესატი — რუსეთის პრეზიდენტის თანაშემწე, იური უშაკოვი.

„ჩვენ გამოვხატავთ ინტერესს და გვსურს, სამიტზე მაღალი დონის დელეგაცია გავაგზავნოთ. მათ შორის, ავღანეთის ვიცე-პრემიერის აბდულა განი ბარადარის“, – წერია რუსული მედიის მიერ გავრცელებულ თალიბანის მიმართვაში