დევნილთა, შრომის, ჯანმრთელობისა და სოციალური დაცვის სამინისტროსთან, Evolution Georgia-ში მიმდინარე მოვლენებთან დაკავშირებით პროფკავშირი ლაბორი გაფიცულებთან ერთად საპროტესტო აქციას მართავს. ინფორმაციას ინტერპრესნიუსი ავრცელებს.

სამინისტროსთან 10-მდე გაფიცული თანამშრომელია შეკრებილი და სხვადასხვა შინაარსის ბანერები აქვთ წარმოდგენილი.

პროფკავშირი ლაბორის დირექტორის გიორგი დიასამიძის თქმით, ისინი ყველა ბერკეტს იყენებენ მოლაპარაკებების მშვიდობიანად დასასრულებლად.