კესარია აბრამიძის მკვლელობაში ბრალდებულ ბექა ჯაიანს განზრახ მკვლელობის მუხლით წარედგინა ბრალი
კესარია აბრამიძის მკვლელობაში ბრალდებულ 26 წლის ბექა ჯაიანს ბრალდება ოფიციალურად წაუყენეს.
თბილისის მთავარი სამმართველოდან გამოსვლის შემდეგ, ბექა ჯაიანის ადვოკატმა სალომე არდოტელმა განაცხადა, რომ მისი დაცვის ქვეშ მყოფი კვლავ დუმილის უფლებით სარგებლობს.
"ბრალი წარედგინა, ის ამ ეტაპზე დუმილის უფლებას იყენებს, შესაბამისად, გამოკითხვის ოქმშიც აღნიშნული დაფიქსირდა. მას გამოძიება ედავება, რომ ჩაიდინა 109-ე მუხლით გათვალისწინებული დანაშაული, კერძოდ, გენდერი და განსაკუთრებული სისასტიკე", — განაცხადა არდოტელმა.
შინაგან საქმეთა სამინისტროს მიერ ჩატარებული გამოძიებით დადგინდა, რომ მკვლელობამდე დაახლოებით ერთი კვირით ადრე, კესარია აბრამიძეს და ბრალდებულს პირად საკითხზე უთანხმოება მოუვიდათ და აღნიშნულის გამო ისინი ერთმანეთს დაშორდნენ.
18 სექტემბერს, დაახლოებით 15:50 საათზე, თბილისში, ადამ მიცკევიჩის ქუჩაზე მდებარე ერთ-ერთ მაღაზიაში ბ.ჯ.-მ ოპინელის ფირმის გასაშლელი დანა შეიძინა და კესარია აბრამიძესთან შეხვედრა გადაწყვიტა. ბრალდებულის განმარტებით, კესარია აბრამიძე შეხვედრაზე დასთანხმდა მათი ურთიერთობის ამსახველი ფოტოსურათების სოციალურ ქსელში გასაჯაროების სანაცვლოდ. ბრალდებული იმ მიზნით, რომ კესარია აბრამიძეს შეხვედროდა და განზრახვა სისრულეში მოეყვანა, ფოტოების გასაჯაროებას დასთანხმდა, რის შემდეგაც კესარია აბრამიძემ ფოტოსურათები სოციალურ ქსელში ატვირთა.
გამოძიებით ასევე დადგენილია, რომ ბრალდებული სააკაძის მოედნის მიმდებარე ტერიტორიიდან ტაქსით დაახლოებით 19:10 საათზე, კესარია აბრამიძის საცხოვრებელ სახლთან მივიდა, შევიდა იქვე მდებარე ნიკორას ფირმის მაღაზიაში, შეიძინა ალკოჰოლური სასმელი და დაახლოებით 19:27 საათზე კესარია აბრამიძის ბინაში მივიდა. ბრალდებულმა შელაპარაკების ნიადაგზე, შურისძიების მოტივით, ჯერ ხელი დაარტყა კესარია აბრამიძეს, ხოლო შემდეგ იმავე დღეს შეძენილი დანით სხეულის სხვადასხვა ადგილებში 28 ჭრილობა მიაყენა. მიყენებული დაზიანებების შედეგად კესარია აბრამიძე ადგილზე გარდაიცვალა.
აღნიშნულის შემდეგ, დაახლოებით 20 წუთში, ბრალდებულმა კესარია აბრამიძის საცხოვრებელი ბინა კიბეებით, ჩქარი ნაბიჯით დატოვა, ავთანდილის ქუჩიდან ვეფხისტყაოსნის ქუჩის გავლით გავიდა მირიან მეფის და შემდეგ ფარნავაზ მეფის ქუჩაზე, სადაც ამავე ქუჩაზე მდებარე ნათესავის ბინაში მივიდა, გამოიცვალა მხოლოდ სისხლიანი მაისური და ბინა დატოვა, რის შემდგომაც ჯერ ტაქსით წავიდა დიდუბის მეტროსთან, საიდანაც მეტროთი მეტროსადგურ სარაჯიშვილამდე იმგზავრა, ხოლო შემდეგ ასევე ტაქსით სენაკისკენ გაემართა. ოპერატიულ-სამძებრო ღონისძიებების შედეგად, პოლიციის თანამშრომლებმა ბ. ჯ. სამტრედიისკენ მიმავალ გზაზე, კოპიტნარის აეროპორტის მიმდებარე ტერიტორიაზე შეაჩერეს, რის შემდგომაც ბრალდებული სამართალდამცველებმა დააკავეს.
სისხლის სამართლის საქმეზე მიმდინარე გამოძიების ფარგლებში, ბ. ჯ.-სთან ჩატარდა ფარული საგამოძიებო მოქმედება — "ფარული აუდიო-ვიდეოჩანაწერი", სადაც მან დანაშაულის დეტალებზე ისაუბრა.
დაკავებულს ბრალდება საქართველოს სისხლის სამართლის კოდექსის 109-ე მუხლის "თ" და "მ" ქვეპუნქტებით წარედგინა, რაც გენდერის ნიშნით, განსაკუთრებული სისასტიკით განზრახ მკვლელობას გულისხმობს და სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს. პროკურატურა ბრალდებულისთვის აღკვეთი ღონისძიების სახით — პატიმრობის შეფარდების თაობაზე, სასამართლოს კანონით დადგენილ ვადაში მიმართავს.
შინაგან საქმეთა სამინისტროში სისხლის სამართლის საქმეზე გამოძიება გრძელდება.
ცნობისთვის, 37 წლის ტრანსგენდერი ქალის, კესარია აბრამიძე 18 სექტემბერს საკუთარ საცხოვრებელ სახლში, დიდ დიღომში, მოკლეს. მკვლელობაში ბრალდებული 26 წლის ბექა ჯაიანი ქუთაისის აეროპორტის მიმდებარე ტერიტორიაზე დააკავეს. ბექა ჯაიანს ბრალს ოფიციალურად კანონით დადგენილ ვადაში წაუყენებენ, რის შემდეგაც, სასამართლო მის მიმართ აღკვეთის ღონისძიების შეფარდებაზე იმსჯელებს.
შემთხვევის ადგილზე არსებული სათვალთვალო კამერებიდან ამოღებულ ვიდეოჩანაწერებში ჩანს, თუ როგორ მიდის ბრალდებული კესარია აბრამიძის საცხოვრებელ კორპუსთან დაახლოებით, 19:00 საათზე, როგორ ადის ის ლიფტით და დაახლოებით, 14 წუთში კიბეებით როგორ ტოვებს სადარბაზოს.
მოკლულის მეზობლების განცხადებით, მათ ყვირილის ხმა გაიგეს, აბრამიძის სახლთან მისულმა მეზობელმა კი ახალგაზრდა ქალი დაჭრილ მდგომარეობაში იპოვა.
მეზობლების განმარტებითვე, აღნიშნულ მამაკაცს ისინი ხშირად ხედავდნენ. მათივე ცნობით, აბრამიძეს ბექა ჯაიანის მხრიდან მუქარაზეც არაერთხელ უსაუბრია.
-
-
გადახედვაგახარია: წერტილი დავსვი, რადგან თავდაპირველი მიზანი დაიკარგა სიხარბეში გახარია: წერტილი დავსვი, რადგან თავდაპირველი მიზანი დაიკარგა სიხარბეში
-
გადახედვაპესკოვი: ყირიმის გაეროს მანდატით გადაცემის საკითხი აბსურდულია პესკოვი: ყირიმის გაეროს მანდატით გადაცემის საკითხი აბსურდულია
-
-
გადახედვაბენქსის ნახატი "გოგო ბუშტით" ლონდონის გალერიიდან მოიპარეს ბენქსის ნახატი "გოგო ბუშტით" ლონდონის გალერიიდან მოიპარეს
-
გადახედვაEvolution Georgia-ში მიმდინარე მოვლენებთან დაკავშირებით "ლაბორი" ჯანდაცვის სამინისტროსთან საპროტესტო აქციას მართავს Evolution Georgia-ში მიმდინარე მოვლენებთან დაკავშირებით "ლაბორი" ჯანდაცვის სამინისტროსთან საპროტესტო აქციას მართავს
-
გადახედვაგერმანიაში მოცარტის აქამდე უცნობი მუსიკალური ნაწარმოები აღმოაჩინეს გერმანიაში მოცარტის აქამდე უცნობი მუსიკალური ნაწარმოები აღმოაჩინეს
-
გადახედვაბჟანია აფხაზებს ურჩევს, არ აიღონ თბილისის მიერ შეთავაზებული "ნეიტრალური პასპორტები" ბჟანია აფხაზებს ურჩევს, არ აიღონ თბილისის მიერ შეთავაზებული "ნეიტრალური პასპორტები"
-
-
-
-
გადახედვააშშ-მ ოკუპირებულ ცხინვალში MRB ბანკი დაასანქცირა აშშ-მ ოკუპირებულ ცხინვალში MRB ბანკი დაასანქცირა
-
გადახედვაკესარია აბრამიძის მკვლელობაში ბრალდებულ ბექა ჯაიანს განზრახ მკვლელობის მუხლით წარედგინა ბრალი კესარია აბრამიძის მკვლელობაში ბრალდებულ ბექა ჯაიანს განზრახ მკვლელობის მუხლით წარედგინა ბრალი
-
გადახედვაკვირაზე მეტია ოჯახი ახალგაზრდა ბიჭს, ტატო ზანანაშვილს ეძებს კვირაზე მეტია ოჯახი ახალგაზრდა ბიჭს, ტატო ზანანაშვილს ეძებს
-
გადახედვაჰერჩინსკი: ყველაფერი მაგიდაზეა — მათ შორის, უვიზო რეჟიმის შეჩერებაც ჰერჩინსკი: ყველაფერი მაგიდაზეა — მათ შორის, უვიზო რეჟიმის შეჩერებაც
-
გადახედვაგივი თარგამაძის განზრახ მკვლელობის მცდელობაში მსჯავრდებული დააკავეს გივი თარგამაძის განზრახ მკვლელობის მცდელობაში მსჯავრდებული დააკავეს
-
გადახედვაTI: წინასაარჩევნო პერიოდში კომუნიკაციების კომისიამ და სასამართლომ კრიტიკული ტელევიზიები უსამართლოდ დააჯარიმა TI: წინასაარჩევნო პერიოდში კომუნიკაციების კომისიამ და სასამართლომ კრიტიკული ტელევიზიები უსამართლოდ დააჯარიმა
-
გადახედვამარიანის ღრმულიდან ამომავალი უჩვეულო ხმების საიდუმლო ამოხსნილია მარიანის ღრმულიდან ამომავალი უჩვეულო ხმების საიდუმლო ამოხსნილია
-
გადახედვადონალდ ტრამპი: ჯორჯ კლუნი უნდა შეეშვას პოლიტიკას და ტელევიზიას დაუბრუნდეს დონალდ ტრამპი: ჯორჯ კლუნი უნდა შეეშვას პოლიტიკას და ტელევიზიას დაუბრუნდეს
-
გადახედვაპაველ ჰერჩინსკი: თუ საქართველოს სურს ევროკავშირის ოჯახის ნაწილი გახდეს, ევროკავშირის ძირითადი პრინციპები უნდა დაიცვას პაველ ჰერჩინსკი: თუ საქართველოს სურს ევროკავშირის ოჯახის ნაწილი გახდეს, ევროკავშირის ძირითადი პრინციპები უნდა დაიცვას
-
გადახედვაკადიროვის მტკიცებით, მასკმა "ნაჩუქარი" TESLA-ს მანქანა დისტანციურად გაუთიშა კადიროვის მტკიცებით, მასკმა "ნაჩუქარი" TESLA-ს მანქანა დისტანციურად გაუთიშა
კომენტარები