ევროკომისიის პრეზიდენტის, ურსულა ფონ დერ ლაერის თქმით, ევროკავშირი სტიქიური უბედურებით დაზარალებულ ევროპის ქვეყნებს 10 მლრდ ევროთ დაეხმარება.

"სრულ სოლიდარობას ვუცხადებთ ცენტრალურ ევროპაში წყალდიდობებით დაზარალებულ ადამიანებს. ევროკავშირის სამოქალაქო დაცვის მექანიზმის მეშვეობით, ევროკავშირი საჭირო აღჭურვილობის უზრუნველყოფაზე მუშაობს. მოგვიანებით, ჩვენ აღდგენით სამუშაოებსაც დავეხმარებით", — დაწერა ევროკომისიის პრეზიდენტმა X-ის გვერდზე.

დამანგრეველი წყალდიდობები და ქარიშხალი "ბორისი" ევროპას გასულ კვირას დაატყდა თავს.

უკანასკნელი ცნობებით, წყალდიდობების შედეგად ცენტრალური ევროპის მასშტაბით სულ მცირე 24 ადამიანი დაიღუპა; 7 — პოლონეთში, 7 — რუმინეთში, 5 — ჩეხეთში და 5 — ავსტრიაში.