ტელეკომპანია ფორმულას დაკვეთით, Edison Research-ის მიერ ჩატარებული კვლევის თანახმად, მმართველ პარტიას, ქართულ ოცნებას 32%-იანი მხარდაჭერა აქვს. თუმცა, ოპოზიციური პარტიების ჯამური რეიტინგი ოცნებისას ბევრად აღემატება.

კვლევის ფარგლებში, გამოკითხულებს ჰკითხეს, ვის მისცემდნენ ხმას, ხვალ რომ საპარლამენტო არჩევნები ტარდებოდეს. შედეგები ასე ნაწილდება ალოკაციით, შეწონვის მეთოდით:

  • ქართული ოცნება - დემოკრატიული მოძრაობა - 32,3%
  • ერთიანობა: ენმ, სტრატეგია აღმაშენებელი, ევროპული საქართველო - 20%
  • კოალიცია ცვლილებებისთვის, გვარამია, მელია, გირჩი, დროა - 10,9%
  • გახარია - საქართველოსთვის - 10,5%
  • ძლიერი საქართველო: ლელო, ხალხისთვის, თავისუფლების მოედანი, მოქალაქეები - 9,3%
  • გირჩი (იაგო ხვიჩია) - 6%
  • ლეიბორისტული პარტია - 5,1%
  • პატრიოტთა ალიანსი/ალტ ინფო - 3,6%
  • ჩვენ - დავით ქაცარავა - 1,5%
  • სხვა პარტიები - 0,8%

ფორმულამ პარტიული რეიტინგები ერთი კვირის წინაც გამოაქვეყნა. მაშინ საველე სამუშაოები 29 აგვისტო - 8 სექტემბრის შუალედში ჩატარდა.

საპარლამენტო არჩევნები 26 ოქტომბერს ჩატარდება.

საზოგადოებრივი აზრის გამოკითხვა ტელეკომპანია ფორმულას დაკვეთით საერთაშორისო კვლევითმა კომპანიამ Edison Research-მა ჩაატარა. კვლევის ფარგლებში, პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1 000 საარჩევნო უფლების მქონე 18 წლისა და მეტი ასაკის ადამიანი. შესაძლო ცდომილება არის +/–2.5% საქართველოს მასშტაბით და +/– 2.5 % თბილისისთვის, 95%-იანი ნდობის ინტერვალისთვის. საველე სამუშაოები მიმდინარეობდა 1 სექტემბერი – 15 სექტემბრის შუალედში.