ლიბანში ტერორისტული დაჯგუფება ჰეზბოლას მებრძოლების პორტატიული რადიომიმღებების და რაციების აფეთქების შედეგად დაღუპულთა რაოდენობა 20-მდე გაიზარდა, — ინფორმაციას ლიბანის ჯანდაცვის სამინისტრო ავრცელებს. დაჭრილთა რიცხვი კი 450-ს აჭარბებს.

BBC-ის ინფორმაციით, ბეირუთის სამხრეთით, დაჰიეში პეიჯერების აფეთქების შედეგად დაღუპულთა დაკრძალვა მიმდინარეობდა, რა დროსაც ახალი აფეთქება მოხდა.

ჰეზბოლა თავდასხმებში ისრაელს ადანაშაულებს, თუმცა ისრაელს ოფიციალური კომენტარი არ გაუკეთებია

ცნობისთვის, 17 სექტემბერს ლიბანის დედაქალაქ ბეირუთში ჰეზბოლას რამდენიმე ასეული წევრის პეიჯერები აფეთქდა. ლიბანურ წყაროებზე დაყრდნობით Reuters წერს, რომ პეიჯერებში ასაფეთქებელი მოწყობილობა ისრაელის სადაზვერვო სააგენტო მოსადმა ჩადო.