ქვეყანაში არსებული შიმშილის გამო, ზიმბაბვე 200 სპილოს დახოცვას და მოსახლეობის გამოკვებას გეგმავს.

წყნარი ოკეანიდან წამოსულმა ელ ნინიომ სამხრეთ აფრიკაში გვალვა და მოსავლის განადგურება გამოიწვია, საკვების დეფიციტმა კი გავლენა მოახდინა 68 მილიონ მაცხოვრებელზე.

"ჩვენ დარწმუნებით შეგვიძლია იმის თქმა, რომ ქვეყანაში არსებულ 200 სპილოს დავხოცავთ. ჯერ-ჯერობით ვმუშაობთ იმაზე, თუ რა ფორმით გავაკეთებთ ამას", — განუცხადა Reuters-ს ზიმბაბვეს პარკებისა და ველური ბუნების ადმინისტრაციის (Zimparks) სპიკერმა ტინაშე ფარავომ.

მისი თქმით, სპილოს ხორცი დაურიგდებათ ზიმბაბვეში გვალვის შედეგად დაზარალებულ მოსახლეობას.

83 სპილოს დახოცვის და გვალვისგან დაზარალებულთა გამოკვების გადაწყვეტილება გასულ თვეს, ზიმბაბვეს მეზობლად, ნამიბიაშიც მიიღეს.

სამხრეთ აფრიკის ქვეყნებში — ზიმბაბვეში, ზამბიაში, ბოტსვანაში, ანგოლასა და ნამიბიაში დაახლოებით 200,000-მდე სპილო ცხოვრობს, რაც სპილოების ერთ-ერთ უმსხვილეს საცხოვრებლად ქმნის მსოფლიოში.