დროებით ოკუპირებული აფხაზეთის ე.წ საგარეო საქმეთა სამინისტრო ბიძინა ივანიშვილის გორში გამოსვლას და ოსების წინაშე მობოდიშების მზადყოფნას ეხმაურება და აცხადებს, რომ მსგავსი განცხადება შეიძლება, მშვიდობიანი არსებობისა და კეთილმეზობლური ურთიერთობისკენ მიმავალი პროცესის დასაწყისი გახდეს.

"მსგავსი განცხადება, თუ ის გამყარებულია რეალური ნაბიჯებით შერიგებისკენ, დამყარებული წარსულის შეცდომების გადაფასებასა და სამხრეთ ოსეთისა და აფხაზი ხალხის მიმართ მობოდიშებისკენ, პოლიტიკური და ეკონომიკური ზეწოლის მეთოდების უარყოფასა და სამშვიდობო შეთანხმების ხელმოწერაზე, შეიძლება გახდეს პროცესის დასაწყისი, რომელიც მშვიდობიანი არსებობისა და კეთილმეზობლური ურთიერთობებისკენ მიდის", - ნათქვამია განცხადებაში.

დე-ფაქტო უწყების თქმით, ივანიშვილის განცხადებიდან ჩანს, რომ "საქართველოში ჯერ ისევ არსებობს შინაგანი გადაფასების და საკუთარი შეცდომების აღიარების რესურსი, როგორც ეს ბევრჯერ ყოფილა ჩვენს ურთიერთობებში".