სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილე ირაკლი ანთაძის აცხადებს, რომ ოკუპირებულ ცხინვალში უკანონო პატიმრობაში 10 ადამიანი იმყოფება

"10 ადამიანი რჩება უკანონო პატიმრობაში, ბოლო ინციდენტი ეს გახლდათ გოდერძისა და უჩა ჯოხაძეების ინციდენტი. ეს ინციდენტი მოხდა ოკუპირებულ ტერიტორიაზე, გორის მუნიციპალიტეტში. წინა პერიოდშიც ყოფილა ამგვარი პრაქტიკა, რომ უკანონოდ დაკავებულების საუკეთესო ინტერესის გათვალისწინებით, როდესაც არსებობს თუნდაც თეორიული შანსი, რომ ისინი გათავისუფლებულ იქნან უკანონო პატიმრობიდან გარკვეული პერიოდი, რა თქმა უნდა, გონივრულ ფარგლებში, აღებულია, რათა წარიმართოს მოლაპარაკებები", — განაცხადა ირაკლი ანთაძემ.

ცნობისათვის, ერგნეთში იმართება ინციდენტების პრევენციისა და მათზე რეაგირების მექანიზმის (IPRM) ფარგლებში 121-ე შეხვედრა.

ანთაძის თქმით, დროის ამ პერიოდში დაფიქსირდა ე.წ ბორდერიზაციის 8 შემთხვევა ქარელისა და გორის მუნიციპალიტეტების სოფლებში, რა დროსაც გაივლო ე.წ. ხანძარსაწინააღმდეგო ხნულები და აღიმართა ლითონის ბოძები. რომლებზეც შემდეგ ივლება მავთულხლართები.