გიორგი ვაშაძე: ჩვენ მოგვაქვს 14 მილიარდი და ისინი [ოცნება] ბლოკავენ ამ თანხას

12 Sep. 2024, 16:28

ჩემ უკან არის ქუთაისის დავით აღმაშენებლის სახელობის აეროპორტი. იცით, რომ ჩვენ შეგვიძლია ევროკავშირიდან 14 მილიარდი ევრო მოვიტანოთ. ამ 14 მილიარდი ევროდან ერთ-ერთი მნიშვნელოვანი ნაწილი არის საქართველოს ლოჯისტიკური ინფრასტრუქტურის განვითარება.

აქ გვაქვს გამოტანილი ქუთაისის სატვირთო ტერმინალის განვითარების პროექტი, რომელიც სამწუხაროდ, ქართულმა ოცნებამ შეწყვიტა ისევე, როგორც ბევრი რამ გაუჩერებია. ჩვენ ვამბობთ, რომ ამ 14 მილიარდი ევროდან თანხას მოვახმართ ქუთაისის აეროპორტის სამგზავრო ტერმინალის გარდა სატვირთო ტერმინალის განვითარებას, რომელიც ათასობით თუ არა ათი ათასობით სამუშაო ადგილს შექმნის. ეს იქნება ერთ-ერთი ყველაზე დიდი ლოჯისტიკური კვანძი, სატვირთო ტერმინალი, რომელიც დააკავშირებს ევროპას და აზიას ერთმანეთთან, რომელიც შექმნის უამრავ სამუშაო ადგილს, რაც მთავარია მაღალანაზღაურებად სამუშაო ადგილს, რომელიც განავითარებს რეგიონს და ფაქტობრივად, ერთხელ და სამუდამოდ დამთავრდება უმუშევრობის პრობლემა იმერეთსა და დასავლეთ საქართველოში.

ეს არის განსხვავება ჩვენსა და ქართულ ოცნებას შორის, ჩვენ მოგვაქვს 14 მილიარდი, ისინი ბლოკავენ 14 მილიარდს, რომლითაც სიღარიბისა და იზოლაციისკენ მივყავართ. ასე რომ არჩევანი მარტივია 26 ოქტომბერს, კეთილდღეობა ევროპაში თუ სიღატაკე იზოლაციაში, რომელსაც ქართული ოცნება გვთავაზობს.

ბოლო ამბები:

გიორგი ვაშაძე გიორგი ვაშაძე: ჩვენ მოგვაქვს 14 მილიარდი და ისინი [ოცნება] ბლოკავენ ამ თანხას

კომენტარები

კვირის ტოპ-5

გირჩევთ

ახლა კითხულობენ

500,000-მდე მონაწილე და 250,000-ლარიანი საპრიზო ფონდი — თიბისის მობაილბანკში საგანძურის მარათონი დასრულდა