დედოფალ ელიზაბეთ II-ის ახალი ქანდაკება ინტერნეტსივრცეში კრიტიკის საგნად იქცა. როგორ ინტერნეტში წერენ, ის უფრო მეტად მისის დაუთფაიერს ჰგავს, ვიდრე გარდაცვლილ დედოფალს.

ფოტო: The guardian

კრიტიკა მას შემდეგ დაიწყო, რაც ადგილობრივმა ოფიციალურმა პირებმა ქანდაკება ჩრდილოეთ ირლანდიის ანტრიმის ციხესიმაგრის ბაღში შაბათს გახსნეს. მიუხედავად იმისა, რომ ქანდაკების მიზანი იყო ეჩვენებინა დედოფალი, როგორც ღირსების, პრინციპულობისა და ერთგულების სიმბოლო, საზოგადოება ამ ფაქტს კრიტიკულად შეხვდა, ისინი აცხადებენ, რომ ეს დედოფლის ხსოვნის "შეურაცხყოფაა".

ფოტო: Theguardian

ბრინჯაოს ქანდაკება გარდაცვლილი პრინცი ფილიპის ქანდაკების გვერდით განთავსდა. მერის მოადგილემ, პოლ დანლოპმა თქვა, რომ ის ნამდვილ დედოფალს ასახავს.

"დედოფალი ელიზაბეთი ყველაზე ბედნიერი ალბათ მაშინ იყო, როდესაც ცხოვრებით ტკბობა სამეფოს გარეთაც შეეძლო, მას განსაკუთრებით აბედნიერებდა სოფელში სეირნობა და თავის ძაღლებთან დროის გატარება."