"პოლიციამ განგვიცხადა, რომ აქ ადგილზე კარვების გაშლის უფლება არ გვაქვს", — ამის შესახებ NEWS.On.ge-სთან სოფელ შუქრუთის მკვიდრი,გაფიცული გიორგი ბიწაძე აცხადებს, რომელმაც პროტესტის უკიდურეს ზომას მიმართა და 11 დღეა შიმშილობს.

გიორგი ბიწაძე აცხადებს, რომ პარლამენტიდან ჯორჯიან მანგანეზის სათავო ოფისთან გადაინაცვლებენ და იქ შეეცდებიან კარვების გაშლას.

„პოლიციამ განგვიცხადა, რომ აქ ადგილზე კარვების გაშლის უფლება არ გვაქვს. სუსტად ვარ, ვშიმშილობთ, თან აქ ჩვენი მშობლები არიან, სტრესულ მდგომარეობაში იმყოფებიან და არ გაქვს ამათთან ჭიდაობის თავი. რადგან აგვიკრძალეს აქ კარვების გაშლა გადავწყვიტეთ გადავინაცვლოთ ჯორჯიან მანგანეზის სათავო ოფისთან, რომელიც მდებარეობს King David-თან. თუ მოგვეცა საშუალება, იქ უნდა გავშალოთ კარავი და იქ გავაგრძელებთ შიმშილობას. თუ იქაც არ მოგვცეს ამის უფლება, ღია ცის ქვეშ დავრჩები და გავაგრძელებ პროტესტს პარლამენტთან“, — აცხადებს გიორგი ბიწაძე.

ცნობისათვის, შუქრუთელები თბილისში, პარლამენტის წინ აქციას 19:00-ზე დაიწყო. აქციის მონაწილეები ჯორჯიან მანგანეზის საქმიანობის შედეგად სოფელ შუქრუთისთვის მიყენებული ზარალის ანაზღაურებას და პროცესში ცენტრალური ხელისუფლების ჩართვას ითხოვენ.

ისინი მთელ საქართველოს სთხოვენ გვერდში დგომას და სურთ ყველას დაუმტკიცონ თავიანთი სიმართლე.