ირანის საგარეო საქმეთა მინისტრი აბას არაღჩი აცხადებს, რომ ირანს რუსეთისთვის ბალისტიკური რაკეტები არ გადაუცია. ამის შესახებ აბას არაღჩი სოციალურ ქსელში წერს.

"კიდევ ერთხელ, აშშ და E3 მოქმედებენ გაუმართავი დაზვერვისა და მცდარი ლოგიკის საფუძველზე. ირანს რუსეთისთვის ბალისტიკური რაკეტები არ მიუწოდებია. წერტილი. სანქციების მომხრეებმა საკუთარ თავს უნდა ჰკითხონ, როგორ შეუძლია ირანს, აწარმოოს და გაყიდოს ასეთი იარაღი? სანქციები არ არის გამოსავალი, არამედ პრობლემის ნაწილია", — წერს აღაჩი.

შეგახსენებთ, დიდმა ბრიტანეთმა, საფრანგეთმა და გერმანიამ ერთობლივი განცხადება გაავრცელეს, სადაც ნათქვამია, რომ ირანის მიერ რუსეთისთვის ბალისტიკური რაკეტების გადაცემას გმობენ.