რუსთავი 2-ის გენერალური დირექტორის მიერ გამართულ საგანგებო ბრიფინგზე ჟურნალისტის შეკითხვას, რა მოხდება იმ შემთხვევაში თუ რუსთავი 2-ის საკასაციო საჩივარი არ დააკმაყოფილეს, ნიკა გვარამიამ უპასუხა, რომ რუსთავი 2 ასეთ შესაძლებლობას არ უშვებს:

"მაგრამ, ეს ლეგიტიმური შეკითხვაა. ასეთ შემთხვევაში საზოგადოებამ უნდა დაიცვას რუსთავი 2 და ბიძინა ივანიშვილის განცხადება, რომ არავინ გამოვა რუსთავი 2-ის დასაცავად, კარგად უნდა ვაჩვენოთ, რომ არის მხოლოდ ის, რაც მას სურს. ეს თავისთავად ცხადია, ასე არ არის. გამოვა 10 ათასობით ადამიანი რუსთავი 2-ის დასაცავად. რაც შეგვეხება ჩვენ, ჩვენ ვიქნებით ამ შენობაში. არავის უკანონოდ, თუნდაც სასამართლოს უკანონოდ გადაწყვეტილებით აქ არავის შემოვუშვებთ და თუ ჩვენზე ძალადობა იქნება, ჩვენ ამ ძალადობას აუცილებლად წელში გამართულები, ძლიერები იმიტომ, რომ ვართ მართლები".

თბილისის სააპელაციო სასამართლომ დღეს, 10 ივნისს, ძალაში დატოვა საქალაქო სასამართლოს მოსამართლის, თამაზ ურთმელიძის გადაწყვეტილება რუსთავი 2-ის წილების ქიბარ ხალვაშისთვის მიკუთვნებასთან დაკავშირებით.

თბილისის სააპელაციო სასამართლომ რუსთავი 2-ის საქმის განხილვა 7 ივნისს დაასრულა.