როგორც ჩანს, ბეჭდების მბრძანებლის მსახიობს, იენ მაკკელენს, გარდაცვლილ დედოფალ ელიზაბეთ II-ზე არც თუ ისე სასიამოვნო მოგონებები აქვს. მაკკელენმა პარასკევს გამოქვეყნებულ ინტერვიუში აღნიშნა, რომ ის ჰარის მხარეს იჭერს და თქვა:

"დარწმუნებული ვარ, რომ დედოფალი ძალიან გაბრაზებული იყო, მას რამდენჯერმე შევხვდი და ყოველთვის უხეშად საუბრობდა. როდესაც მე მივიღე მედალი მსახიობობისთვის, მან მითხრა: "ამის მისაღწევად ძალიან დიდი დრო დაგჭირდა, ვინმე მაინც დადის თეატრში?" ეს კი ნიშნავდა: ვინმეს აინტერესებ საერთოდ, მაშინ, როდესაც მე არც კი ვდარდობ? ახლა კი წადი!"

ფოტო: Getty Images

რაც შეეხება მის შვილიშვილს ჰარის, მაკკელენმა დეტალურად ისაუბრა მის მიერ გაკეთებულ განცახდებაზე:

"წარმოიდგინეთ, დაიბადეთ სამეფო ოჯახში. მე საზოგადოებრივ ცხოვრებაში ვიყავი ჩართული, მაგრამ ეს ხალხი ციხეშია. ნორმალურს ვერაფერს აკეთებენ. შეგიძლიათ წარმოიდგინოთ, რომ კეთილგანწყობილი იყოთ ყველასთან, ვისაც ესაუბრებით?"

მაკკელენმა ასევე ისაუბრა სამეფო ოჯახში არსებულ ფსიქიკური ჯანმრთელობის პრობლემებზე, თუ როგორი წნეხის ქვეშ უწევდათ ცხოვრება, მაგალითად ჰარისა და მეგანს.

აღსანიშნავია, რომ ჰარიც და მისი მეუღლეც, მეგან მარკლი, ღიად საუბრობენ ფსიქიკურ ჯანმრთელობასთან დაკავშირებულ პრობლემებზე და იმ ბრძოლაზე, რისი გადატანაც უწევთ. მარკლმა 2021 წელს ოპრა უინფრისთან ინტერვიუში თვითმკვლელობაზეც კი ისაუბრა, ჰარიმ კი თავის წიგნში აღიარა, რომ რამდენიმე წელი თერაპიის კურსს გადიოდა. ფსიქიკური ჯანმრთელობა იყო ერთ-ერთი თემაც 2022 წელს გადაღებულ დოკუმენტურ სერიალში ჰარი და მეგანი.