მოსკოვში გამართულ სილამაზის კონკურსზე, მის სამყარო სომხეთი 2024, რუსმა მომღერალმა — ირინა ზახაროვამ გაიმარჯვა. ამ ამბავს ინტერნეტში დიდი გამოხმაურება მოჰყვა. ზახაროვა სომხეთს მსოფლიო მისს სამყაროზე წარადგენს, რომელიც მიმდინარე წლის ნოემბერში, მექსიკაში გაიმართება.

ჟურნალისტმა და ფემინისტმა ზარა ღაზარიანმა ინსტაგრამზე დაწერა, რომ ეს გადაწყვეტილება არ იყო სამართლიანი. ის სვამს კითხვას: "როგორ მიიღო ამ გოგომ მის მსოფლიოზე სომხეთის წარდგენის უფლება?" მისი თქმით, "კონკურსში მონაწილეობის მისაღებად მათ "სომხეთი" გამოიყენეს. ღაზარიანი ასევე ირწმუნება, რომ მათ სომეხ ქალებს მის მსოფლიოში მონაწილეობის შესაძლებლობა წაართვეს.

კონკურს მისს სამყარო სომხეთის ყოფილმა დირექტორმა, გოჰარ ჰატურიუნიანმა რუსეთის სახელმწიფო მედიას "სპუტნიკ არმენიას" განუცხადა, რომ იმის შემდეგ, რაც ტაილანდის JKN-მა, ორი წლის წინ, კონკურსის ორგანიზების უფლება იყიდა, მონაწილეების შერჩევა გამარტივდა.

"იმ დროს მკაცრი წესები იყო, რომელსაც ვემორჩილებოდი. დიასპორის წარმომადგენლებს არ ჰქონდათ "მისს სამყარო სომხეთში" მონაწილეობის მიღების უფლება, თუ ისინი სომხეთში არ ცხოვრობდნენ. მათ უნდა ჰქონოდათ სომხური პასპორტი, უნდა ყოფილიყვნენ გაუთხოვარი და 28 წელს ქვემოთ", — თქვა ჰარუტიუნიანმა.

ჰარუთიანის თქმით, ახლა ყველას შეუძლია მონაწილეობის მიღება, განურჩევლად ასაკისა, ოჯახური სტატუსის და შვილების ყოლისა. მან დაამატა, რომ კონკურსის დირექტორი შეუძლია ყველა გახდეს, ვინც თანხას გადაიხდის.

იმის შემდეგ, რაც მისს სომხეთის კონკურსი, სპონსორების ნაკლებობის გამო, 2022 წელს შეჩერდა, ყირიმელმა რუსმა მოქალაქემ, იულია პავლიკოვამ, კონკურსის ჩატარების უფლება მიიღო. პავლიკოვა ასევე მისს სამყარო ესტონეთის ჩატარების უფლებითაც სარგებლობს.

"მისს სამყაროზე ჩემი დებიუტის შემდეგ, ორგანიზატორებმა ჩემში არა მხოლოდ მოდელი დაინახეს, არამედ წარმატებული ლიდერი, ფართო გამოცდილებითა და პოტენციალით. დაწინაურების შემდეგ, გადავწყვიტეთ დაგვეწყო სომხეთში და ესტონეთში კონკურსების ჩატარება", — უთხრა პავლიკოვამ KP-Crimea-ს.

ჰარუტიუნიანმა ასევე შეშფოთება გამოთქვა კონკურსის რუსეთში ჩატარების გამო. მან დასძინა, რომ მონაწილეები რუსები ან რუსეთში მცხოვრები სომხები იყვნენ.

"მე არ ვიცი ის (ირინა ზახაროვა) როგორ წარადგენს ჩვენს ქვეყანას და რა პრობლემებს წამოჭრის, ისაუბრებს თუ არა მთიანი ყარაბაღისა და ქალთა უფლებების შესახებ", — თქვა ჰატუთიუნიანმა.

მისი თქმით, სომხეთისთვის, ამ ეტაპზე, უკეთესი იქნებოდა, რომ საერთოდ არ მიეღო მონაწილეობა ამ კონკურსში.

წინა მისს მსოფლიოსა და მისს სამყაროს წარმომადგენლებმაც გამოთქვეს შეშფოთება კონკურსის შედეგებთან დაკავშირებით. მათ News.am-ს განუცხადეს, რომ არც კი იცოდნენ, რომ მოსკოვში ტარდებოდა კონკურსი.

დაიანა დავთუია, მისს სამყარო სომხეთის 2019-ის გამარჯვებულმა თქვა, რომ ზახაროვასა და ეროვნულ დირექტორ პალიკოვას 2022 წლიდან ახლო ურთიერთობა აქვთ.

მირინა ბზდიგიანმა, რომელიც სომხეთს მისს მსოფლიო 2022-ზე წარადგენდა განაცხადა, რომ დაუკავშირდნენ სწავლების, მეცნიერების, კულტურისა და სპორტის სამინისტროს, რადგანაც ზახაროვას მისს სომხეთის სახელით გამარჯვება დიდი პრობლემაა.

"ეს კონკურსი ფანტასტიკური პლატფორმაა იმაზე სალაპარაკოდ, თუ რა გვაწუხებს, იქნება ეს სომხეთის, თუ მთიანი ყარაბაღის პრობლემები. თუ ამას დავუშვებთ და სხვა ქვეყნის წარმომადგენლები ჩვენ ქვეყანას წარადგენენ, დავკარგავთ იდენტობასა და ისტორიას. ეს საშინელი შეცდომაა", — თქვა ბზდიგიანმა.

განათლების, მეცნიერების, კულტურისა და სპორტის სამინისტრომ არც დაადასტურა და არც უარყო ამ საკითხთან კავშირი.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.