შაბათს ამსტერდამის რეიკსმუზეუმი მომიტინგეების შეჭრის გამო დაიკეტა.

XR-ის აქტივისტებმა, რომლებსაც ყვითელი ფორმები ეცვათ და ნიღბები ეკეთათ, მუზეუმის შესასვლელთან ყვითელი კვამლი გაუშვეს. ისინი ითხოვდნენ, რომ მუზეუმს შეეწყვიტა ურთიერთობა მის მთავარ სპონსორთან, ჰოლანდიურ ბანკ ING Group-თან. აქტივისტები თვლიან, რომ ბანკი აფინანსებს პროექტებს, რომლებიც ხელს უწყობს კლიმატის ცვლილებას.

XR-ის წარმომადგენელმა ჰოლანდიურ საინფორმაციო სააგენტოს ANP-ს განუცხადა:

"გაუგებარია, რომ რეიკსმუზეუმს შეუძლია ითანამშრომლოს ING-თან, რომელიც, ფაქტობრივად, კლიმატის კრიზისის ყველაზე დიდი დამფინანსებელია, მუზეუმი საშუალებას აძლევს "მსხვილ დამაბინძურებელს" ჰოლანდიის ისტორიის ცნობილი ხელოვნების ნიმუშების მიღმა თავისი რეალური სახე დამალოს".

მუზეუმმა განაცხადა, რომ ის დახურულია თავისი ვიზიტორების, პერსონალისა და ხელოვნების ნიმუშების დაცვით მიზნით.