საქართველოს პრეზიდენტმა, გიორგი მარგველაშვილმა ცნობილი ქართველი კალათბურთელი და NBA-ს ჩემპიონი, ზაზა ფაჩულია, ღირსების ორდენით დააჯილდოვა. დაჯილდოვების ცერემონიალი პრეზიდენტის სასახლეში რამდენიმე წუთის წინ შედგა.

ფოტო: პრეზიდენტის ადმინისტრაცია

"საქართველოს პრეზიდენტის გადაწყვეტილებით, ქვეყნის სახელის საერთაშორისო ასპარეზზე გატანისა და საქართველოს პოპულარიზაციისათვის ზაზა ფაჩულია ღირსების ორდენით დაჯილდოვდება," - ეს განცხადება პრეზიდენტის სახელით რამდენიმე კვირის წინ გავრცელდა.

ზაზა ფაჩულია NBA-ს ჩემპიონი Golden State Warriors-თან ერთად, 2016-2017 წლის სეზონში გახდა. ზაზა ფაჩულია პირველი ქართველი კალათბურთელია, რომელმაც კალათბურთის ყველაზე მნიშვნელოვანი ტიტული მოიპოვა.