გავრცელდა ფოტოები, სადაც ინგუშეთში გონებრივად უნარშეზღუდული შესაძლებლობის მქონე პირთა მოვლის სახლში, პაციენტებს ჩაგრავენ და მძიმე პირობებში ამყოფებენ.

რუსული ტელეგრამ-არხ Baza-ს მიერ გავრცელებულ ფოტოებში ჩანს, როგორ ჰყავთ შიშველი პაციენტები ცარიელ ოთახში, სკამზე ბორკილებით მიბმული. ფოტოებში ჩანს მეტალის ჯამებიც, საიდანაც პაციენტები შიშველი ხელებით ჭამენ.

ფსედახის დაწესებულება ინგუშეთის ჩრდილო-დასავლეთ ნაწილში მდებარეობს. აქ ემსახურებიან იმ ადამიანებს, რომლებსაც საკუთარი თავის მოვლის უნარი არ აქვთ ან სპეციალური სამედიცინო და ფსიქიატრიული მოპყრობა ესაჭიროებათ.

Baza წერს, რომ დაწესებულებაში პაციენტის სანახავად მოსულ ოჯახის წევრებს გამიზნულად ახვედრებენ სუფთა გარემოს, რათა თავიდან აირიდონ დაწესებულების ხარისხთან დაკავშირებული კითხვები. ასევე, პაციენტების უმეტესობას ლაპარაკის უნარი აქვს დაქვეითებული, ამიტომ მათ არ აქვთ უნარი, რომ ადგილზე არსებულ პირობებზე ისაუბრონ.

Baza-ს ინფორმაციით, პაციენტების ნათესავმა, ისევე როგორც აქტივისტებმა სცადეს, რომ ოფიციალური პირების დარწმუნება, რომ რაიმე ზომები მიეღოთ, განსაკუთრებით ყოფილი დირექტორის, მაგომედ დაურბეკოვის წინააღმდეგ.

გამოცემა წერს, რომ დაწესებულების ზოგიერთი თანამშრომელი გაათავისუფლეს, მაგრამ პაციენტებზე ძალადობა გრძელდება.

OC Media-ს თქმით, სოციალურ ქსელში გავრცელებულ ვიდეოებსა და ფოტოებზე უარყოფითი რეაქციის შემდეგ, რუსეთის საგამოძიებო კომიტეტმა განაცხადა, რომ საქმეზე გამოძიება დაიწყეს. მათი თქმით, გამომძიებლები და სასამართლო ექსპერტები დაწესებულებას ეწვევიან, რათა გამოიძიონ და დაკითხონ თანამშრომლები.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.