შვილის სკოლაში შესვლის ვიდეოს თბილისის მერმა, კახა კალაძემ TikTok-ზე გამოაქვეყნა სათაურით — „ნიკოლას პირველი დღე“.

ნეტგაზეთის ინფორმაციით, ქართული ოცნების ანტიდასავლური რიტორიკის ფონზე, ქალაქის მერმა შვილი საფრანგეთის მთავრობის მიერ დაფუძნებულ კავკასიის ფრანგულ სკოლაში მიიყვანა, რომლის ატესტატსაც საფრანგეთის განათლების სამინისტრო აღიარებს და რომელიც ევროპული ღირებულებების პატივისცემას და სოლიდარობას ეფუძნება.

კავკასიის ფრანგული სკოლა 2006 წელს საფრანგეთის საელჩომ დააარსა. სკოლის დაწყებით კლასში სწავლის საფასური 5600 ევროა.

კახა კალაძის მიერ გამოქვეყნებულ ვიდეოში ჩანს ასევე კულტურის მინისტრი, თეა წულუკიანიც.

ნეტგაზეთი წერს, რომ, სავარაუდოდ, წულუკიანის შვილიც ამ სკოლის მოსწავლეა.