ვენესუელის პრეზიდენტის, ნიკოლას მადუროს განაცხადებით, წელს ქვეყანაში შობას პირველ ოქტომბერს აღნიშნავენ.

მადურომ ყოველკვირეულ სატელევიზიო მიმართვაში განაცხადა, რომ სექტემბერია და უკვე შობის სურნელი იგრძნობა.

"ამიტომ, წელს, თქვენდამი პატივისცემისა და მადლიერების გამოსახატად, გავცემ განკარგულებას, რომ შობა პირველ ოქტომბერს აღინიშნოს“, — განაცხადა მადურომ

მადუროს გამოსვლამდე რამდენიმე საათით ადრე ცნობილი გახდა, რომ ვენესუელამ გასცა ედმუნდო გონსალეს ურუტიას დაპატიმრების ორდერი, რომელიც ერთადერთი ოპოზიციური კანდიდატი იყო ქვეყნის საპრეზიდენტო არჩევნებში.

ვენესუელის საარჩევნო ორგანოს ინფორმაციით, ივლისში გამართულ არჩევნებში ხმების 51.2%-ით მოქმედმა პრეზიდენტმა ნიკოლას მადურომ გაიმარჯვა. თუმცა, ოპოზიციის განცხადებით, ხმათა უმრავლესობა მათმა კანდიდატმა, ედმუნდო გონსალეს ურუტიამ, მიიღო.