რუსული კანონის წინააღმდეგ საკითხის განხილვას საკონსტიტუციო სასამართლოში დღეს, 11:00 საათზე დაიწყო.

საკონსტიტუციო სასამართლოში საკითხს ცხრა მოსამართლე განიხილავს.

ესენი არიან:

სხდომის თავმჯდომარე საკონსტიტუციო სასამართლოს თავმჯდომარე მერაბ ტურავაა. ის საქართველოს საკონსტიტუციო სასამართლოს თავმჯდომარე 2020 წლის 25 ივნისიდანა;

მეორე მოსამართლე — ევა გოცირიძეა. ის საქართველოს საკონსტიტუციო სასამართლოს მოსამართლეა 2018 წლიდან; ევა გოცირიძე ერთ-ერთია მათ შორის, ვინც 2015 წელს სააპელაციო სასამართლოში ლევან მურუსიძის დანიშვნას მხარი დაუჭირა. რომ არა მისი მხარდაჭერა, ლევან მურუსიძე ხელმეორედ ვერ გახდებოდა მოსამართლე.

მესამე — მანანა კობახიძე ყოფილი დეპუტატი და მმართველი პარტია "ქართული ოცნების" ერთ-ერთი დამფუძნებელია. ის საკონსტიტუციო სასამართლოს მოსამართლეა 2018 წლიდან;

მეოთხე — გიორგი თევდორაშვილია. ის საკონსტიტუციო სასამართლოში პრეზიდენტმა 2021 წელს აირჩია და მანვე დაუჭირა მხარი პრეზიდენტის იმპიჩმენტს.

მეხუთე — ირინე იმერლიშვილი უშიშროების საბჭოს ყოფილი მდივანი და საქართველოს მერვე მოწვევის პარლამენტის და "ქართული ოცნების" პოლიტსაბჭოს ყოფილი წევრია. საკონსტიტუციო სასამართლოს წევრი 2016 წელს გახდა;

მეექვსე — ხვიჩა კიკალიშვილი საკონსტიტუციო სასამართლოს წევრია 2020 წლიდან;

მეშვიდე — გიორგი კვერენჩხილაძე 2016 წელს საქართველოს პრეზიდენტის ბრძანებულებით დაინიშნა საქართველოს საკონსტიტუციო სასამართლოს მოსამართლედ;

მერვე — ვასილ როინიშვილი საკონსტიტუციო სასამართლოს წევრი 2020 წლიდანაა;

მეცხრე — თეიმურაზ ტუღუში უზენაესი სასამართლოს პლენუმმა საკონსტიტუციო სასამართლოს წევრად 2016 წელს დანიშნა.