"გვსურს, ჩვენი წვლილი შევიტანოთ საქართველოში ფერადი რევოლუციის მცდელობების პრევენციაში", — ამის შესახებ რუსეთის საგარეო დაზვერვის სამსახურის ხელმძღვანელი, სერგეი ნარიშკინი აცხადებს.

მისმა უწყებამ უკვე გამოაქვეყნა განცხადება, სადაც ნათქვამი იყო, რომ საქართველოში "ფერად რევოლუციას" ამერიკელები ამზადებენ.

"ის ფაქტი, რომ საგარეო დაზვერვის სამსახურმა გაასაჯაროვა ინფორმაცია, რომელიც არა მარტო დასავლური სპეცსამსახურების მტრულ საქმიანობაზე, ასევე აშშ-ის სახელმწიფო დეპარტამენტზეც, იმაზე მეტყველებს, რომ გვსურს ჩვენი წვლილი შევიტანოთ საქართველოში ფერადი რევოლუციის მცდელობების პრევენციაში", — აცხადებს ნარიშკინი TASS-სთან.