მიმდინარე წლის 24-25 აგვისტოს, რამდენიმე ქართულმა ბანკმა, რუსული გადახდის სისტემა ზოლოტაია კორონასთან თანამშრომლობა შეწყვიტეს. ამის მიზეზად კომპანიისთვის დაწესებული ამერიკული სანქციები დასახელდა. დღეს ვრცელდება ინფორმაცია, რომ ზოლოტაია კორონას მომსახურება საქართველოში სრულად აღდგა.

ინფორმაციას საბანკო ასოციაციის ხელმძღვანელი, ალექსანდრე ძნელაძე ინტერპრესნიუსთან ადასტურებს.

„ზოლოტაია კორონას მომსახურება დროებით შეფერხებული იყო,რადგან საბანკო-საფინანსო სექტორი სრულად აზუსტებდა ზოლოტაია კორონას კავშირს საერთაშორისო თანამეგობრობის მიერ სანქცირებულ სხვა პირთა მიმართებაში. მოკვლების შედეგად, ცალსახად შეგვიძლია ვთქვათ, რომ დღეს ზოლოტაია კორონას კავშირი რომელიმე სანქცირებულ პირთან არ დასტურდება. შედეგად, მისი მომსახურება სრულად აღდგენილია,“ — აცხადებს ძნელაძე.