უკრაინის მთელ ტერიტორიაზე საჰაერო თავდასხმის მაუწყებელი განგაშია გამოცხადებული, რუსული ძალები ქვეყანას რაკეტებით უტევენ, — ინფორმაციას BBC უკრაინული მედიაზე დაყრდნობით ავრცელებს.

BBC წერს, რომ ბომბდამშენებიდან გაშვებული ფრთოსანი რაკეტები დასავლეთის ოლქებისკენაა მიმართული, ზღვიდან გაშვებული რაკეტები კი ჩრდილოეთ და ცენტრალური ოლქებისკენ.

გავრცელებული ინფორმაციით, ვინიცაში, კროპივნიცკსა და კრივი-რიჰში აფეთქებების ხმები ისმოდა. ამასთან, აფეთქებების შესახებ იუწყებიან დნიპროდან, ზაპოროჟიედან, ოდესიდან და ხმელნიცკიდან.

ცნობისთვის, გვიან ღამით რუსეთის საჰაერო ძალებმა იერიში მიიტანეს უკრაინის ქალაქ კრამატორსკზე, შეტევას ბრიტანული მედია-სააგენტოს Reuters-ის თანამშრომელი ემსხვერპლა. დაშავებულია ორი ჟურნალისტი.