ჰაკერული დაჯგუფება Anonymous, სოციალურ ქსელში X-ში ქართულ ოცნებას და ირაკლი კობახიძეს მიმართავს, სადაც ოპოზიციური პარტიების აკრძალვასთან დაკავშირებით ქართული ოცნების განცხადებას ეხმაურება.

Anonymous-ის განცხადებაში ნათქვამია, რომ საქართველოს მთავრობის ქმედებები რეპრესიულია და უპასუხოდ არ დატოვებენ.

“თქვენ ადრეც გამოცადეთ ჩვენი სიმტკიცე, როდესაც რუსეთის კანონთან დაკავშირებული საპროტესტო აქციების ჩახშობის საპასუხოდ, კიბერშეტევები განვახორციელეთ თქვენი მთავრობის წინააღმდეგ. მაშინ უნდა მომხვდარიყავით, რომ ხალხის გაჩუმების მცდელობა უპასუხოდ არ დარჩებოდა.

ახლა, სახიფათო გეგმით ყველა ოპოზიციური პარტიის აკრძალვა გსურთ და ამით აბსოლუტური ძალაუფლების ხელში ჩაგდებას ცდილობთ. ეს არის ქმედება, რომელიც ეხმიანება ბელორუსისა და ჩრდილოეთ კორეის ყველაზე ბნელ რეჟიმებს.

თქვენი ქმედებები ვენესუელაში მიმდინარე რეპრესიებს ჰგავს, სადაც მადუროს რეჟიმი კონტროლის შესანარჩუნებლად სისტემატურად ანადგურებდა დემოკრატიულ ინსტიტუტებს.

საქართველოს დემოკრატია ძაფზეა ჩამოკიდებული და თქვენ ხელში დანა გიჭირავთ.

მაგრამ იცოდეთ ეს: ჩვენ არ შევეგუებით თავისუფლებაზე ასეთ უხეშ თავდასხმას. თუ თქვენ გააგრძელებთ ამ ავტორიტარულ დღის წესრიგს, გააჩაღებთ ქარიშხალს, რომელსაც ვერ გააკონტროლებთ. ჩვენ მოვშლით იმ სისტემებს, რომელსაც ხალხის ჩაგვრისთვის იყენებთ.

შეიძლება ფიქრობთ, რომ შეგიძლიათ დაუსჯელად იმოქმედოთ, მაგრამ ჩვენ თვალს გადევნებთ“, — წერს ჰაკერული დაჯგუფება X-ზე.