თბილისში, მიმდინარე ქალთა მსოფლიო გრან პრის მეექვსე ტურის ლიდერთა შეხვედრაში, საპატიო პირველი სვლა ცოტნე ივანიშვილმა გააკეთა. — ინფორმაციას Facebook-ზე ჭადრაკის ფედერაცია ავრცელებს.

ამ ფაქტს პოსტის კომენტარებში არაერთგვაროვანი გამოხმაურება მოჰყვა. მოგვიანებით ჭადრაკის ფედერაციამ ამავე პოსტის კომენტარებში კიდევ ერთი განცხადება გააკეთა.

"უმაღლესი კატეგორიის ტურნირებში გავრცელებული პრაქტიკაა პირველი სვლის გაკეთების ტრადიცია.

ცოტნე ივანიშვილი წლების განმავლობაში ინტენსიურად მეცადინეობს ჭადრაკში საერთაშორისო დიდოსტატის დახმარებით და მისი მოქმედი რეიტინგი საერთაშორისო საჭადრაკო პლატფორმაზე ‘chess.com’ არის 2200-მდე." — ნათქვამია განცხადებაში.