უკრაინის პრეზიდენტმა ვოლოდიმირ ზელენსკიმ რეჟისორ სერგო ფარაჯანოვს უკრაინის ეროვნული ლეგენდის წოდება მიანიჭა. მედალი კიევის თეატრალური, მუსიკალური და კინოხელოვნების მუზეუმს გადაეცა.

წელს ზელენკიმ უკრაინის ეროვნული ლეგენდის წოდება 11 პირს მიანიჭა. მათ შორისაა სომეხი წარმოშობის კინორეჟისორი სერგო ფარაჯანოვი.

“ჩემთვის დიდი პატივია დღეს უკრაინის ნამდვილი ლეგენდების დაჯილდოება. ჩვენ აღვნიშნავთ ყველას, ვინც აძლიერებს ჩვენს მეომრებს, აძლიერებს მათ ყოველდღიურად და შთააგონებს მათ. ეს ის ხალხია, ვინც ადიდებს უკრაინას, აძლიერებს ჩვენს თავდაცვას და შთააგონებს უკრაინის ყველა მოქალაქეს“, — დაწერა ზელენსკიმ სოციალურ ქსელში.

შეგახსენებთ, რომ სერგო ფარაჯანოვი თბილისში დაიბადა. ცხოვრობდა და მუშაობდა: საქართველოში, უკრაინასა და რუსეთში. დაკრძალულია ერევანში.

ფარაჯანოვი საკუთარ თავს ასე ახასიათებდა: "ვარ სომეხი, დაბადებული საქართველოში და უკრაინული ნაციონალიზმისთვის რუსულ ციხეში მჯდომი".