საჯავახო-სამტრედიის საავტომობილო გზის მონაკვეთზე ავტოსაგზაო შემთხვევა მსხვერპლით დასრულდა — სატვირთო და მსუბუქი ავტომობილების შეჯახების შედეგად გარდაცვლილია 2 ადამიანი.

ადგილზე სასწრაფო დახმარების ჯგუფები, სამაშველო და საპატრულო პოლიციის ეკიპაჟები იყვნენ მობილიზებული. შემთხვევის ამსახველი ფოტო NEWS.On.ge-ის ჟურნალისტმა ადგილზე გადაიღო.

როგორც, NEWS.On.ge-ის შინაგან საქმეთა სამინისტროში განუცხადეს, მომხდარზე გამოძიება დაიწყო. გამოძიება სისხლის სამართლის კოდექსის 276-ე მუხლის მე-6 ნაწილით მიმდინარეობს, რაც ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს იმ პირის მიერ, ვინც ამ სატრანსპორტო საშუალებას მართავს, რამაც ადამიანის სიცოცხლის მოსპობა გამოიწვია.