ამერიკული გამოცემა The wall street journal, საქართველოს ყოფილი პრეზიდენტის, მიხეილ სააკაშვილის წერილს აქვეყნებს, სადაც რუსი ოპოზიციონელი პოლიტიკოსის ვლადიმერ კარა-მურზას გათავისუფლებას ეხმაურება და მწუხარებას გამოხატავს, რომ პატიმრების გაცვლა მაშინ ვერ მოხერხდა, როცა რუსი ოპოზიციონერი ალექსეი ნავალნი ცოცხალი იყო.

წერილში წერია, რომ სააკაშვილმა პატიმართა გაცვლის შესახებ თბილისში, საკანში შეიტყო, სადაც ამჟამადაც იმყოფება.

ასევე იხილეთ: ტყვეების ყველაზე დიდი გაცვლა რუსეთსა და მსოფლიოს შორის — ვინ გაცვალეს?

"სიხარულით ვივსებოდი, როცა გავიგე, რომ გათავისუფლებულთა შორის, ჩემი მეგობარი ვლადიმერ კარა-მურზაც იყო. რუსეთის გავლენის წინააღმდეგობა, როგორც ვიცით, უფრო სახიფათო მცდელობაა. ალექსეი ნავალნის, ჩემს მეგობარს, არ ექნება სამშობლოში დაბრუნების აღლუმი, არც ცრემლიანი შეხვედრა ოჯახთან, რადგან მან იმდენი ვერ იმდენი ვერ იცოცხლა", — წერია წერილში.

სააკაშვილი თავის წერილში რუსულ-ქართულ პარალელებსაც განიხილავს და ამბობს, რომ კარა-მურზას მსგავსად, ისიც მოწამლეს.

"მეც რუსული რეპრესიების მსხვერპლი ვარ, შეუსაბამო ბრალდებებით, 6 წლით თავისუფლების აღკვეთა მომისაჯეს, შემდგომ სასამართლო პრეცესია, რომელიც 11-წლიან პატიმრობას მემუქრება. ბატონი კარა-მურზას მსგავსად, მე მომწამლეს ჩემმა გამტაცებლებმა და, სავადაუდოდ, სიმპტომებს ცხოვრების ბოლომდე გავუძლებ", — ნათქვამია სტატიაში.

მიმდინარე წლის პატიმრების გაცვლამ, როგორც ჩანს, ყოფილ პრეზიდენტსაც გაუჩინა იმედები, რომ მისი გათავისუფლების დღეც დადგება. სააკაშვილი ამბობს, რომ ზელენსკი მის გათავისუფლებაზე მუშაობს.

"ვოლოდიმერ ზელენსკი იმათ შორის არის, ვინც ჩემს გათავისუფლებაზე მუშაობს. თუმცა, არია სხვების, ვინებიც ამის თავიდან ასაცილებლად მუშაობენ. საქართველოს 2003 წლის ვარდების რევოლუციას ბევრი თაყვანისმცემელი ჰყავდა, მაგრამ მას ასევე ჰყავდა მტრები. 1 აგვისტოს პატიმრების გაცვლამ გააცოცხლა ჩემი იმედები, რომ ოდესმე ჩემი ჯერი დადგება, ვიგრძნო თავისუფლების გემო. იმედით ვცხოვრობ, რადგან მის გარეშე არაფერი მაქვს", — წერია სტატიაში.