უკრაინის არმიამ კურსკის ოლქში შეჭრის პირველი საათების ამსახველი ვიდეომასალა გაავრცელა — შესაბამისი ვიდეო Facebook-ზე გამოქვეყნდა.

შეიარაღებულ ძალებში ირწმუნებიან, რომ წინასწარ მომზადებული გეგმის მიხედვით, ავიაციისა და არტილერიის მხარდაჭერით გაანეიტრალეს ნაღმები და გაარღვიეს რუსეთის საზღვრის დაცვის ზოლი.

უკრაინული მედიის ცნობით, ბოლო რამდენიმე საათში სამხედროებმა რუსეთის სიღრმეში წინ წაიწიეს და დამატებით 3 დასახლებული პუნქტი აიღეს. არმიის სარდლობის ცნობით, საერთო ჯამში, 6 აგვისტოს შემდეგ უკრაინელი სამხედროები კურსკის ოლქში 80-ზე მეტ დასახლებას აკონტროლებენ.