პალესტინური რადიკალური ისლამისტური დაჯგუფება ჰამასი უარს აცხადებს 15 აგვისტოს დაგეგმილ მოლაპარაკებებში მონაწილეობაზე, რომელიც ღაზას სექტორში ცეცხლის შეწყვეტას შეეხება.

როგორც დაჯგუფების წამყვანი პირები ამბობენ, ჰამასს არ სურს მოლაპარაკებების ახალი ეტაპი, რადგან მხოლოდ "2 ივლისს შემოთავაზებული შეთანხმების პირობების ერთგული რჩება".

ისრაელის დელეგაცია სამიტს დაესწრება.

9 აგვისტოს ეგვიპტემ, კატარმა და აშშ-მ ერთობლივი განცხადება გაავრცელეს, სადაც ისრაელს და ჰამასს ღაზის სექტორში ცეცხლის შეწყვეტისა და მძევალთა გაცვლის შესახებ მოლაპარაკებებში მონაწილეობისკენ მოუწოდეს.

ჰამასმა შემოთავაზებაზე უარი ადრეც განაცხადა, თუმცა კატარი აქტიურად ცდილობდა ჰამასის დარწმუნებას, დასწრებოდა 15 აგვისტოს დოჰაში დაგეგმილ სამიტს.

ჰამასი აშშ-სა და ევროკავშირში ტერორისტულ ორგანიზაციადაა გამოცხადებული.