საქართველოში აშშ-ის საელჩო განცხადებას ავრცელებს სენატორ შაჰინისა და კონგრესმენ ტერნერის ბოლო ვიზიტზე. დიპლომატიური წარმომადგენლობის ცნობით, მათი ვიზიტისას ყოფილი პრეზიდენტის, მიხეილ სააკაშვილის საკითხი არ განხილულა.

„დეზინფორმაცია და სპეკულაცია ვერ მოაგვარებს უთანხმოებას. სენატორი შაჰინისა და კონგრესმენი ტერნერის ბოლო ვიზიტის დროს პრეზიდენტ სააკაშვილის საკითხი არ განხილულა. განხილვის საკითხი იყო ის, რომ ამერიკის შეერთებულ შტატებს სურს კარგი ურთიერთობა საქართველოსთან და ის, რომ პირველი ნაბიჯი ურთიერთობის ნორმალიზებისთვის საქართველოს მთავრობამ უნდა გადადგას. ჩვენ ველით მათ წინადადებას“, — ნათქვამია განცხადებაში.