რეგიონში გაღვივებული დაძაბულობის ფონზე, შეერთებულმა შტატებმა ახლო აღმოსავლეთში, მართვადი რაკეტებით აღჭურვილი წყალქვეშა ნავი გაგზავნა.

BBC-ის ცნობით, პენტაგონმა გამოაქვეყნა განცხადება, სადაც იუწყება, რომ თავდაცვის მინისტრმა, ლოიდ ოსტინმა რეგიონში წყალქვეშა ნავი — ჯორჯია გააგზავნა.

ოსტინის განკარგულებით, უნდა დაჩქარდეს, გზაში მყოფი ავიამზიდის "აბრაამ ლინკოლნის" ტრანსპორტირებაც, რომელსაც F-35C ტიპის თვითმფრინავები გადააქვს.

თავდაცვის მინისტი აცხადებს, რომ შეერთებული შტატები ყველა შესაძლო ნაბიჯს გადადგამს თავისი მოკავშირის დასაცავად.

გამოცემის ცნობით, პენტაგონის გადაწყვეტილებები მიუთითებს, რომ შეერთებული შტატები მზადაა დაეხმაროს ისრაელს ირანის მხრიდან ნებისმიერი ტიპის თავდასხმის მოგერიებაში.