Iran International-ის ცნობით, ირანის პრეზიდენტმა პეზეშკიანმა,ქვეყნის სულიერ ლიდერს, ხომეინს განუცხადა — თავიდან აირიდოს პირდაპირი თავდასხმა ისრაელზე და გააფრთხილა, რომ ესკალაციამ შეიძლება ისრაელის მიერ ირანის ინფრასტრუქტურისა და ენერგეტიკული ობიექტების განადგურება გამოიწვიოს.

ჰამასის ლიდერის, ისმაილ ჰანიეს მოკვლის შემდეგ, ირანი ბოლო პერიოდში შურისძიებით იმუქრებოდა და აცხადებდა, რომ აუცილებლად დაესხმებოდა თავს ისრაელს.

წყაროს თქმით, მიუხედავად სერიოზული გაფრთხილებისა ხომეინი მთელი ამ საუბრის განმავლობაში, არც მხარს უჭერდა და არც ეთანხმებოდა პეზეშკიანის შეშფოთებას.

პეზეშკიანის გაფრთხილება უმღლესი სამხედრო მეთაურების რიტორიკასა და ქმედებებსაც ეხებოდა, რადგან მათი მხრიდან არსებობდა საშიშროება, ქვეყნის არასაჭირო ომში ჩართვის.

ისლამური რევოლუციის გვარდიის (IRGC) წევრები ისრაელზე თავდასხმას ითხოვენ, თუმცა მათ მომავლის ხედვაში არ არის სავარაუდო გათვალისწინებული სოციალური და ეკონომიკული დანაკარგი, ამბობს წყარო, რომელიც მოცემული სიტუაციის სენსიტიურობიდან გამომდინარე, ანონიმურობის შენარჩუნებას ჯერდება.