შეერთებული შტატების სახელმწიფო მდივანმა, ენტონი ბლინკენმა, ოპოზიციონერი ლიდერი ელმუნდო გონსალესი, ვენესუელას პრეზიდენტად აღიარა.

ვენესუელას ამჟამინდელ პრეზიდენტს ნიკოლას მადუროს არჩევნების გაყალბებას ედავებიან, ქვეყანაში მასობრივი გამოსვლებია, უფლებადამცველი ორგანიზაციების ინფორმაციით პროტესტს 11 დემონსტრანტი ემსხვერპლა.

ბლინკენის მიიჩნევს, რომ ელმუნდო გონსალესმა მოიგო ჩატარებული არჩევნები, ხოლო ნიკოლას მადურომ საკუთარი გადაწყვეტილებით გამოაცხადა თავი პრეზიდენტად.

სახელმწიფო მდივანმა გააკრიტიკა ვენესუელას საარჩევნო საბჭო - მიკერძოებული არჩევნების ჩატარებისთვის, რომელიც აშკარად არ გამოხატავდა ამომრჩეველთა ნებას.

ოპოზიცია ამტკიცებს, რომ ბიულეტინების 80% დაითვალეს, სადაც ნათლად ჩანდა გონსალესის სრული უპირატესობა. ამის მიუხედავად, ცენტრალურმა საარჩევნო კომისიამ მადურო გამოაცხადა გამარჯვებულად.

მექსიკის, ბრაზილიისა და კოლუმბიის ლიდერები მადუროს მოუწოდებენ, - დათვლილი ხმები საჯარო გახადოს. საპასუხოდ, ვენესუელას მოქმედი პრეზიდენტი, ირწმუნება, რომ ამას ვერ შეძლებს, რადგან საარჩევნო საბჭო დაჰაკულია.

აქციების დროს, სადაც მოსახლეობა არჩევნების რეალური შედეგების გამოქვეყებას ითხოვს, 1000 - ზე მეტი ადამიანი დააკავეს.

ნიკოლას მადურო 2013 წლიდან ვენესუელას პრეზიდენტია.

ვენესუელაში მასშტაბური საპროტესტო გამოსვლები ამ დრომდე გრძელდება.