12 ივლისიდან, ევოლუშენ ჯორჯიას თანამშრომლები საკუთარი უფლებების დასაცავად კომპანიის მიმდებარე ტერიტორიაზე აქციას მართავენ.

ისინი მოითხოვენ სამართლიან ანაზღაურებასა და შრომითი პირობების გაუმჯობესებას.

გაფიცვის დაწყებიდან მე-12 დღეს, კომპანიამ გაათავისუფლა თანამშრომლები, რომლებიც რამდენიმე კვირით ადრე გავრცელებულ მიმოწერის "სქრინებში" მათზე დაქვემდებარებულ თანამშრომლებს, შეურაცხმყოფლად და დამცინავად მოიხსენიებდნენ.

ევოლუშენ ჯორჯიას განცხადებით, მათთვის გავრცელებული ინფორმაცია მიუღებელია და შიდა მოკვლევის საფუძველზე, ინციდენტში მონაწილე პირები, დაკავებული პოზიციებიდან გათავისუფლდნენ.

ევოლუშენ ჯორჯია არის აზარტული თამაშების დისტანციური სერვისების მიმწოდებელი კომპანია; ის საქართველოში 2017 წლიდან ოპერირებს.

ევოლშენს მსოფლიოს მასშტაბით 16000 თანამშრომელი ჰყავს, მათგან 8000 ადამიანი საქართველოშია დასაქმებული.

მიმდინარე გაფიცვაში 4000-მდე თანამშრომელი მონაწილეობს.