ლაგოდეხის მუნიციპალიტეტიდან, სოფელ კაბალიდან, 23 წლის ქალი გაიტაცეს.

ინფორმაცია NEWS.On.ge-ს შსს-ში დაუდასტურეს და გვითხრეს, რომ საქმე აღძრულია 143-ე მუხლით, რაც ითვალისწინებს თავისუფლების უკანონო აღკვეთისთვის გამტაცებლის რვიდან თორმეტ წლამდე პატიმრობას.

სხვა დეტალების შესახებ უწყებაში არ საუბრობენ.

რადიო თავისუფლებასთან ახალგაზრდა ქალის ბიძა ამბობს, რომ გამტაცებლებმა ძალა გამოიყენეს. გამოცემის ინფორმაციით, არსებობს გატაცების ამსახველი ვიდეოკადრებიც.

ბიძის ინფორმაციით, ახალგაზრდა და ბებიას თავს 4 გამტაცებელი დაესხა, ქალები მათ წინააღმდეგობას უწევდნენ, თუმცა ვერაფერს გახდნენ.

"ვიცით იმ მანქანის მოდელი და ნომერი, რომლითაც გაიტაცეს. პოლიციასაც შევატყობინეთ, თუმცა ადგილსამყოფელი ვერ დაადგინეს. ჩვენი ძალებით გავიგეთ ავტომობილის სავარაუდო სამყოფელი. პოლიციას ესეც ვუთხარით. ახლაც გამოკითხვაზე ვართ პოლიციაში“, — ამბობს გატაცებული ქალის ბიძა.