რუსული კანონის საწინააღმდეგო აქციაზე ნაცემი ამერიკელი იურისტი ტედ ჯონასი სასამართლომ 2 ათასი ლარით დააჯარიმა.

ინფორმაციას რადიო თავისუფლება ავრცელებს.

მისმა ადვოკატმა, სანდრო ბარამიძემ განაცხადა, რომ ის სამართალდამრღვევად ცნეს წვრილმან ხულიგნობასა და პოლიციელის კანონიერი მოთხოვნისადმი დაუმორჩილებლობაში.

"ფაქტია, რომ რაიმე ხელშესახები მტკიცებულება საქმეში არ დევს, უფრო მეტიც, ჩვენ პოლიციელები ვამხილეთ აშკარა ტყუილში",— აღნიშნა ბარამიძემ.

სასამართლოს დასაბუთებული გადაწყვეტილების ჩაბარების შემდეგ, ტედ ჯონასი გადაწყვეტილების თბილისის სააპელაციო სასამართლოში გასაჩივრებას გეგმავს.

ტედ ჯონასი ჰყვებოდა, რომ 1 მაისს, ღამით, აქციაზე დააკავეს და სიტყვიერი და ფიზიკური შეურაცხყოფა მიაყენეს.