რუსული კანონის საწინააღმდეგო აქციაზე, 400-ლარიანი რკინის ჯებირის დაზიანების საქმეზე დაკავებული საბა მეფარიშვილი და ომარ ოკრიბელაშვილი კვლავ პატიმრობაში რჩებიან.

მათი გათავისუფლების შესახებ შუამდგომლობა მოსამართლემ არც დღეს დააკმაყოფილა.

დაკავებულების ადვოკატებმა სასამართლოში წარადგინეს 400 არის გადარიცხვის დოკიმენტი — ეს სწორედ ის თანხაა, რადაც ჯებირია შეფასებული. თანხა შსს-ს ანგარიშზე არასამთავრობო ორგანიზაცია დემოკრატიული კვლევების ინსტიტუტმა (DRI) გადარიცხა.

23 წლის საბა მეფარიშვილი და 19 წლის ომარ ოკრიბელაშვილი 14 მაისს დააკავეს, მათ ბრალი აქვთ წაყენებული მუხლით, რაც ჯგუფურად სხვისი ნივთის დაზიანებას ან განადგურებას გულისხმობს. დანაშაული სამიდან ექვს წლამდე თავისუფლების აღკვეთას ითვალისწინებს.