ერთიანი ნაციონალური მოძრაობის განმარტებით, მიუხედავად დღეს სააპელაციო სასამართლოს მიერ მიღებული გადაწყვეტილება, ბიძინა ივანიშვილი რუსთავი 2-ს ხელში მაინც ვერ ჩაიგდებს. როგორც ენმ-ს წევრი, მიხეილ მაჭავარიანი ამბობს, ტელეკომპანიასთან დაკავშირებით მიღებული გადაწყვეტილება ბიძინა ივანიშვილის პირადი, წინასაარჩევნო ახირებაა, რაც ძალიან კარგად ესმის არა მხოლოდ ქართულ საზოგადოებას, არამედ ქვეყნის უცხოელ მეგობრებსაც:

"ეს გადაწყვეტილება, ჩემთვის ყოველ შემთხვევაში, მას შემდეგ, რაც უდედმამო ურთმელიძემ მიიღო, რომლის დედაც ნაჯახით დასდევდა სასამართლოს, მაშინვე ცნობილი იყო და ის პროცედურები, რომლებიც ახლდა სასამართლოს, როგორ შეირჩა ის კოლეგია, რომელსაც თავზე ხელი უნდა აეღო".

მაჭავარიანის თქმით, ივანიშვილმა მოსახლეობას ოცნება წაართვა, მაგრამ რუსთავი 20ს ვერ წაართმევს.

თბილისის სააპელაციო სასამართლომ დღეს, 10 ივნისს, ძალაში დატოვა საქალაქო სასამართლოს მოსამართლის, თამაზ ურთმელიძის გადაწყვეტილება რუსთავი 2-ის წილების ქიბარ ხალვაშისთვის მიკუთვნებასთან დაკავშირებით.

თბილისის სააპელაციო სასამართლომ რუსთავი 2-ის საქმის განხილვა 7 ივნისს დაასრულა.