დღეს, 22 ივლისს, საქართველოს პარლამენტთან, რუსული კანონის საპროტესტო აქციაზე დაკავებული 19 წლის ომარ ოკრიბელაშვილი და 23 წლის საბა მეფარიშვილი მოსამართლემ პატიმრობაში დატოვა.

მოსამართლე ნათია გუდაძემ არ გაითვალისწინა დაცვის მხარის შუამდგომლობა, ახალგაზრდებისთვის პატიმრობა გირაოთი შეეცვალა.

საბა მეფარიშვილსა და ომარ ოკრიბელაშვილს ბრალი სისხლის სამართლის კოდექსის 187-ე მუხლის მეორე ნაწილის გ-ქვეპუნქტით აქვთ წარდგენილი (ნივთის დაზიანება ჯგუფურად).

ეს ნაწილი 3-დან 6 წლამდე თავისუფლების აღკვეთას ითვალისწინებს.

დაკავებულების ბრალდების ოქმში წერია, რომ ფაქტობრივი ზიანი იყო 250 ლარი, ხოლო 150 ლარი არის ხელობის.