სამართალდამცველებმა დააკავეს 2004 წელს დაბადებული პირი, რომელსაც თაღლითობა ედება ბრალად.

კერძოდ, შსს-ს ინფორმაციით, ბრალდებული ფეისბუქზე კონკრეტული მოქალაქეების სახელისა და გვარების, ასევე ფოტოსურათების გამოყენებით ყალბ გვერდებს ქმნიდა.

ამ გვერდების გამოყენებით, სხვადასხვა პირს უკავშირდებოდა, ნდობას მოიპოვებდა და შემდეგ თანხის სესხებას სთხოვდა.

ასეთი დანაშაულებრივი სქემით ის რამდენიმე მოქალაქის თანხას მართლსაწინააღმდეგოდ დაეუფლა.

გამოძიება საქართველოს სისხლის სამართლის კოდექსის 180-ე მუხლის მეორე და მესამე ნაწილებით მიმდინარეობს.

დანაშაული 6-დან 9 წლამდე ვადით თავისუფლების აღკვეთას ითვალისწინებს.