პრეზიდენტის საპარლამენტო მდივნის, გიორგი მსხილაძის განცხადებით, საქართველოს პრეზიდენტი სალომე ზურაბიშვილი რუსულ კანონს საკონსტიტუციო სასამართლოში გაასაჩივრებს.

"პრეზიდენტი პირველად მიმართავს სარჩელით საკონსტიტუციო სასამართლოს. პრეზიდენტი ამ სარჩელით ითხოვს კანონის მოქმედების შეჩერებას და მის საბოლოო გაუქმებას", — განაცხადა მსხილაძემ.

მისივე თქმით, რუსული კანონი არაკონსტიტუციურია და ეწინააღმდეგება საქართველოს კონსტიტუციის 78-ე მუხლს: "სარჩელით, ასევე, გასაჩივრებულია კანონის მთელი რიგი ნორმები, რომლითაც ირღვევა კონსტიტუციით გარანტირებული მთელი რიგი ძირითადი უფლებები".

ამ თემაზე: კორძაიას ცნობით, რუსულ კანონს საკონსტიტუციო სასამართლოში პარლამენტის ოპოზიციონერი წევრებიც გაასაჩივრებენ